LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس مریم نواز نے سی ایم سولر پینل سکیم فیز ٹو کی منظوری دے دی شمالی وزیرستان میں فورسز کا کامیاب سرچ آپریشن، بارودی مواد کا بڑا ٹھکانہ تباہ عدالت کا 15 روز میں نادرا ای بیلٹنگ کا عمل مکمل کرنے کا حکم ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار نظام کی اصلاح اور قومی فیصلوں کا اختیار عوام کا ہے: طارق فضل چوہدری سندھ کے شہری علاقوں کے عوام غلام نہیں: خالد مقبول صدیقی حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ میرے بھتیجے کو ناحق 60 سال سزا دی گئی، مہربانی کی جائے: شیخ رشید خیبرپختونخوا میں سکیورٹی فورسز کی کارروائیاں، فتنہ الخوارج کے 22 دہشتگرد ہلاک حوثی ملیشیا کا ریاض پر میزائل حملہ، سعودی اتحاد نے نقصان کی تصدیق کردی

گلگت بلتستان الیکشن: 15 نشستیں جیت چکے ، عوام کا فیصلہ مانا جائے،  بیرسٹر گوہر

Web Desk

9 June 2026

چیئرمین تحریک انصاف بیرسٹر گوہر خان نے کہا ہے کہ گلگت بلتستان میں عوام نے جس جماعت کو مینڈیٹ دیا ہے، حکومت سازی کا حق بھی اسی جماعت کو ملنا چاہیے۔

میڈیا سے گفتگو کرتے ہوئے انہوں نے کہا کہ گلگت بلتستان میں تحریک انصاف کے 22 امیدوار میدان میں تھے اور جماعت نے مجموعی طور پر 15 نشستوں پر کامیابی حاصل کی ہے۔ انہوں نے دعویٰ کیا کہ کئی حلقوں میں واضح برتری کے باوجود نتائج کو تبدیل کرنے کی کوشش کی جارہی ہے۔

بیرسٹر گوہر نے کہا کہ تحریک انصاف اقتدار کی شراکت پر یقین نہیں رکھتی اور جن جماعتوں پر وفاق میں مینڈیٹ چھیننے کا الزام ہے، ان کے ساتھ حکومت بنانے کا سوال ہی پیدا نہیں ہوتا۔

انہوں نے کہا کہ ووٹ جمہوریت کی بنیادی اکائی ہے اور عوامی فیصلے کا احترام ہر صورت یقینی بنایا جانا چاہیے۔ ان کا کہنا تھا کہ کشمیر کے مسئلے سمیت تمام تنازعات کا حل افہام و تفہیم اور پرامن طریقوں سے نکالا جانا چاہیے۔

چیئرمین تحریک انصاف نے کہا کہ پرامن احتجاج ہر شہری کا حق ہے، تاہم تشدد اور قانون کو ہاتھ میں لینے کی کسی صورت حمایت نہیں کی جاسکتی۔ انہوں نے خیبرپختونخوا کے حقوق کے لیے دی گئی احتجاجی کال کی حمایت کرتے ہوئے مطالبہ کیا کہ صوبے کو قومی مالیاتی کمیشن کے تحت اس کا جائز حصہ فراہم کیا جائے۔

انہوں نے مزید کہا کہ افواج پاکستان کی قربانیوں کو ہمیشہ سراہا ہے، تاہم کسی کو بھی سیاسی مقاصد کے لیے فوج کا نام استعمال نہیں کرنا چاہیے۔