فاطمہ ثناء نے ٹی20 کرکٹ میں نیا عالمی ریکارڈ قائم کردیا، تیز ترین نصف سنچری

فاطمہ ثناء نے ٹی20 فارمیٹ میں نیا عالمی ریکارڈ قائم کرتے ہوئے شاندار بیٹنگ کا مظاہرہ کیا ہے۔

پاکستان ویمن کرکٹ ٹیم کی کپتان نے 15 گیندوں پر نصف سنچری مکمل کر کے تاریخ رقم کی، جبکہ اس سے قبل یہ ریکارڈ نیوزی لینڈ کی صوفی ڈیوائن کے پاس تھا جنہوں نے 18 گیندوں پر نصف سنچری بنائی تھی۔

تیسرے اور آخری ٹی20 میچ میں زمبابوے کے خلاف بیٹنگ کرتے ہوئے فاطمہ ثناء نے 19 گیندوں پر 62 رنز ناٹ آؤٹ اسکور کیے، جس میں 10 چوکے اور 2 چھکے شامل تھے۔

میچ میں پاکستان ویمن کرکٹ ٹیم نے زمبابوے ویمن کرکٹ ٹیم کو 133 رنز سے شکست دے کر سیریز میں کلین سوئپ مکمل کیا۔

زمبابوے کی ٹیم 224 رنز کے ہدف کے تعاقب میں 18 اوورز میں 90 رنز پر ڈھیر ہوگئی۔

پاکستان کی جانب سے سائرہ جبین نے 50 رنز ناٹ آؤٹ اور عائشہ ظفر نے 45 رنز بنائے جبکہ زمبابوے کی مابھیرو نے 2 وکٹیں حاصل کیں۔