جنگ بندی کے باوجود اسرائیل کی سفاکیت جاری، مزید 2 فلسطینی شہید

بین الاقوامی سطح پر جنگ بندی کے مطالبات اور کوششوں کے باوجود اسرائیلی فوج کی سفاکانہ کارروائیاں تھم نہ سکیں، جہاں گزشتہ چوبیس گھنٹوں کے دوران غزہ اور مغربی کنارے میں مزید 2 فلسطینیوں کو شہید کر دیا گیا۔ نصیرات کیمپ میں اسرائیلی ڈرون نے نہتے شہریوں کو نشانہ بنایا، جبکہ دوسری جانب جنوبی لبنان پر اسرائیلی فضائی حملوں میں 13 افراد جاں بحق اور متعدد زخمی ہو گئے۔ اسرائیل کی اس جارحیت کے جواب میں حزب اللہ نے جنوبی لبنان میں اسرائیلی ٹھکانوں پر 25 حملے کرنے کا دعویٰ کیا ہے۔ حزب اللہ کے مطابق العباد کے مقام پر اسرائیلی ڈرون جیمنگ سسٹم، فوجی گاڑیاں اور جدید مرکاوا ٹینک تباہ کر دیے گئے، جبکہ ہولا اور البیاضہ میں گھروں کے اندر چھپے اسرائیلی اہلکاروں کو بھی نشانہ بنایا گیا ہے۔