برطانیہ بلدیاتی انتخابات: ریفارم یوکے 1400 سے زائد سیٹیوں کے ساتھ پہلے نمبر پر

برطانیہ کے بلدیاتی انتخابات میں حکمران جماعت لیبر پارٹی کو بھاری نقصان کا سامنا کرنا پڑا جبکہ ریفارم یوکے نے غیر معمولی کامیابی حاصل کرتے ہوئے 1400 سے زائد نشستیں اپنے نام کر لیں۔ انتخابی نتائج کے مطابق ریفارم یوکے پہلے نمبر پر رہی جبکہ لیبر پارٹی انگلینڈ میں 868 نشستوں کے ساتھ دوسرے نمبر پر موجود ہے۔

رپورٹس کے مطابق شمالی انگلینڈ میں ریفارم یوکے نے نمایاں کامیابیاں حاصل کیں، ہارٹل پول میں پارٹی نے تمام 12 نشستیں جیت لیں جبکہ ہیلٹن میں بھی ریفارم یوکے نے 15 نشستوں پر کامیابی حاصل کی۔ دوسری جانب ویگن میں لیبر پارٹی کو 20 نشستوں کا نقصان برداشت کرنا پڑا۔

میڈیا رپورٹس کے مطابق انتخابی نتائج کے بعد وزیر اعظم Keir Starmer کی قیادت پر سوالات مزید شدت اختیار کر گئے ہیں، جبکہ Jonathan Brash نے کیئر سٹارمر سے استعفے کا مطالبہ بھی کر دیا ہے۔

ادھر سٹاک پورٹ کونسل پر Liberal Democrats نے اپنا کنٹرول برقرار رکھا ہے، جسے پارٹی کیلئے اہم سیاسی کامیابی قرار دیا جا رہا ہے۔