برطانوی لوکل کونسل انتخابات میں حکمران جماعت کی بدترین کارکردگی، وزیراعظم کامستعفی ہونے سے انکار

برطانیہ میں لوکل کونسل انتخابات میں  حکمران جماعت کی بدترین کارکردگی رہی جبکہ’ ریفارم یوکے‘  کو 382 نشستوں کے ساتھ دونوں بڑی جماعتوں پر برتری حاصل ہے۔

برطانوی میڈیا کے مطابق غیر حتمی نتائج کے مطابق وزیراعظم  کیئر اسٹارمر کی لیبر پارٹی تیسرے نمبر پر ہے، کنزرویٹوکو 251 اور لیبر پارٹی کو 249 نشستوں پر کامیابی ملی۔

ریفارم یوکے کو 382 نشستوں پر کامیابی ملی ہے، لبرل ڈیموکریٹس بھی 245 نشستیں جتنے میں کامیاب ہوگئے۔

لوکل انتخابات میں بدترین کارکردگی کے باوجود کیئر اسٹارمر نے مستعفیٰ ہونے سے انکار کردیا ہے اور کہا کہ نتائج سخت اور مایوس کن ہیں، لیکن وہ ملک کو افراتفری میں چھوڑ کر نہیں جائیں گے اورپانچ سالہ مدت پوری کریں گے۔

برطانوی وزیراعظم نے مزید کہا کہ لیبر پارٹی نے کچھ غیر ضروری غلطیاں کی ہیں، عوام کی زندگیوں میں تیزی سے بہتری نہیں آئی، ہمیں ملک کو درپیش چلینجز سے نمٹنے کیلئے منتخب کیا گیا ہے، بطور وزیراعظم اپنی ذمے داریاں نبھاتا رہوں گا۔