سعودی عرب کا خطے میں فوجی کشیدگی پر اظہارِ تشویش، پاکستان کی سفارتی کوششوں کی حمایت

سعودی ولی عہد شہزادہ محمد بن سلمان کی زیرِ صدارت جدہ میں منعقدہ کابینہ کے اجلاس میں خطے کی مجموعی صورتحال اور حالیہ فوجی کشیدگی کا تفصیلی جائزہ لیا گیا۔ اجلاس میں فریقین سے کشیدگی کم کرنے پر زور دیتے ہوئے تنازع کے سیاسی حل کے لیے پاکستان کی ثالثی کی کوششوں کی حمایت کا اعادہ کیا گیا۔ سعودی کابینہ نے آبنائے ہرمز میں عالمی جہاز رانی کے تحفظ اور جہازوں کی بلارکاوٹ آمدورفت کو یقینی بنانے کی اہمیت پر بھی زور دیا۔ مزید برآں، سعودی وزارتِ انصاف اور پاکستانی وزارتِ قانون کے درمیان تعاون کی مفاہمتی یادداشت کی بھی منظوری دی گئی۔