امریکا اب دوسرے ممالک پر دھونس جمانے کی پوزیشن میں نہیں، ایرانی ترجمان

ایران کا کہنا ہے کہ امریکا اب دوسرے ممالک پر اپنا دھونس جمانے کی پوزیشن میں نہیں رہا۔ایرانی وزارت دفاع کے ترجمان رضا طلائی نیک کا کہنا ہے کہ امریکا اب اس قابل نہیں ہے کہ وہ دوسرے ممالک کو ڈکٹیٹ کر سکے۔

انہوں نے مزید کہا کہ امریکا مشرق وسطیٰ میں جنگ کے خاتمے کے لیے ایران کی طرف سے ایک نئی تجویز پر غور کر رہا ہے۔

اس تجویز میں آبنائے ہرمز کو دوبارہ کھولنے کی تجویز دی گئی ہے جبکہ ایران کے جوہری پروگرام پر بات چیت کو بعد کی تاریخ تک ملتوی کرنا بھی شامل ہے۔

انہوں نے مزید کہا کہ امریکی حکومت کو اپنے غیر قانونی اور غیر معقول مطالبات کو ترک کرنا چاہیے۔