حزب اللہ کو غیر مسلح کرنے کے لیے اسرائیلی فوج کا انخلا ضروری ہے: لبنان

بیروت: لبنان کی حکومت نے علاقائی سیاست اور سیکیورٹی کے حوالے سے ایک انتہائی اہم اور دو ٹوک موقف اختیار کرتے ہوئے واضح کیا ہے کہ اس کا راستہ ایران سے الگ ہو چکا ہے۔ لبنانی وزراء کے مطابق، ملک کی خودمختاری اور استحکام کے لیے حزب اللہ کو غیر مسلح کرنا ضروری ہے، تاہم اس عمل کے آغاز کے لیے اسرائیلی فوج کا لبنانی علاقوں سے انخلاء پہلی شرط ہے۔لبنان کے وزیرِ اطلاعات پال مورکوس نے حالیہ پیش رفت پر روشنی ڈالتے ہوئے کہا  تین ہفتوں کی جنگ بندی میں حالیہ توسیع لبنانی حکومت کی خصوصی درخواست پر کی گئی ہے، جس کا مقصد لبنان کے خلاف اسرائیلی حملوں کا مکمل اور مستقل خاتمہ ہے۔ لبنانی حکومت حزب اللہ کو غیر مسلح کرنے اور سرحدوں پر فوج کی تعیناتی سمیت تمام ضروری اقدامات کے لیے تیار ہے، لیکن یہ اسی صورت ممکن ہے جب اسرائیل اپنی افواج لبنان سے واپس بلائے۔لبنانی وزیرِ خارجہ یوسف راجی نے اسرائیل کے ساتھ ممکنہ مذاکرات کے حوالے سے ایک جرات مندانہ بیان دیتے ہوئے کہا کہ اگر مقصد جنگ کا خاتمہ اور مقبوضہ علاقوں کی واپسی ہو، تو اسرائیل سے بات چیت کرنے میں کوئی عار نہیں۔ ان کے اہم نکات درج ذیل تھے:

انہوں نے واضح کیا کہ مذاکرات کو ‘ہتھیار ڈالنے’ کے مترادف نہیں سمجھنا چاہیے بلکہ یہ قومی مفادات کے تحفظ کا ایک موثر سفارتی ذریعہ ہیں۔ وزیرِ خارجہ نے دو ٹوک الفاظ میں کہا کہ لبنان کسی بھی بیرونی طاقت کا تابع نہیں ہے اور نہ ہی وہ خطے میں کسی خاص “محور” (Axis) کے ہاتھ میں بطور کارڈ استعمال ہوگا۔

لبنانی قیادت کے ان بیانات کو مشرقِ وسطیٰ کی سیاست میں ایک بڑی تبدیلی کے طور پر دیکھا جا رہا ہے، جہاں لبنان اب اپنی داخلی سلامتی اور خارجہ پالیسی کو بیرونی اثر و رسوخ سے پاک کرنے کی کوشش کر رہا ہے۔