برطانیہ: 2008کے بعد پیدا ہونے والوں پر تاحیات سگریٹ پر پابندی

برطانیہ میں ایک اہم اور تاریخی قانون کی منظوری دی گئی ہے جس کے تحت 18 سال یا اس سے کم عمر افراد پر مستقبل میں سگریٹ خریدنے پر مکمل پابندی عائد کر دی گئی ہے۔

نئے قانون کے مطابق 2008 یا اس کے بعد پیدا ہونے والا کوئی بھی فرد اپنی پوری زندگی میں تمباکو مصنوعات، بشمول سگریٹ اور ویپنگ مصنوعات، خرید نہیں سکے گا۔ یہ قانون نوجوان نسل کو تمباکو نوشی کے نقصانات سے محفوظ رکھنے کے لیے ایک بڑی پالیسی تبدیلی قرار دیا جا رہا ہے۔

یہ مجوزہ قانون برطانوی پارلیمنٹ سے منظور ہو چکا ہے اور اب اسے بادشاہ چارلس کی حتمی منظوری کے بعد باقاعدہ طور پر نافذ کر دیا جائے گا۔

یہ پابندی برطانیہ کے چاروں حصوں یعنی انگلینڈ، اسکاٹ لینڈ، ویلز اور شمالی آئرلینڈ میں یکساں طور پر لاگو ہوگی۔