اسرائیل کا شمالی غزہ میں ڈرون حملہ، 3 بچوں سمیت 5 فلسطینی شہید

گئے ہیں جن میں تین بچے بھی شامل ہیں۔ خبر رساں ادارے ’وفا‘ کے مطابق اس حملے میں متعدد افراد شدید زخمی بھی ہوئے ہیں جنہیں فوری طور پر قریبی اسپتال منتقل کر دیا گیا ہے۔ مقامی حکام کا کہنا ہے کہ اس واقعے کے بعد علاقے میں شدید خوف و ہراس پھیل گیا ہے۔

یہ کارروائی ایک ایسے وقت میں سامنے آئی ہے جب گزشتہ روز بھی غزہ اور مغربی کنارے کے مختلف علاقوں میں اسرائیلی فوج اور آبادکاروں کے حملوں میں 11 فلسطینی جاں بحق ہوئے تھے۔ عرب میڈیا کی رپورٹس کے مطابق جاں بحق ہونے والوں میں ایک نومولود بچہ بھی شامل تھا جو زخموں کی تاب نہ لاتے ہوئے چل بسا۔ خان یونس میں تین اور وسطی غزہ میں ایک شہری ڈرون حملے کا نشانہ بنا، جبکہ شمالی غزہ میں سمندر کی جانب سے کی گئی شیلنگ میں بے گھر خاندانوں کے خیموں کو نشانہ بنایا گیا۔

غزہ کی وزارتِ صحت کے تازہ ترین اعداد و شمار کے مطابق 7 اکتوبر 2023 سے جاری اس جنگ میں اب تک فلسطینی شہدا کی مجموعی تعداد 72 ہزار 560 تک پہنچ چکی ہے جبکہ ایک لاکھ 72 ہزار 560 سے زائد افراد زخمی ہو چکے ہیں۔ رپورٹ میں یہ بھی بتایا گیا ہے کہ جبالیہ کیمپ میں ایک بچہ دس روز تک زخموں سے لڑنے کے بعد دم توڑ گیا، جبکہ شجاعیہ میں خیموں پر دھماکہ خیز مواد گرائے جانے سے لگنے والی آگ نے مزید تباہی مچائی۔