جنگ کسی کے فائدے میں نہیں، کشیدگی کم کرنےکیلیےسفارتی طریقہ ضروری ہے، پزشکیان

ایران کے صدر مسعود پزشکیان نے کہا ہے کہ جنگ کسی کے فائدے میں نہیں ہوتی ۔اگرچہ خطرات کے مقابلے میں مضبوط مؤقف ضروری ہے، لیکن کشیدگی کم کرنے کے لیے ہر معقول اور سفارتی راستہ اختیار کیا جانا چاہیے۔

تہران میں وزارتِ انصاف کے دورے کے دوران گفتگو کرتے ہوئے صدر پزشکیان نے کہا کہ ایرانی عوام کو ملک کی حقیقی صورتحال سے باخبر رکھنا ضروری ہے۔ ان کے مطابق غلط معلومات فراہم کرنا یا غیر حقیقی وعدے کرنا نہ صرف مسائل کے حل میں مددگار ثابت نہیں ہوتا بلکہ اس سے عوامی اعتماد بھی مجروح ہوتا ہے۔

صدر مسعود پزشکیان نے زور دیا کہ کامیابیوں اور چیلنجز دونوں کو دیانت داری کے ساتھ عوام کے سامنے رکھا جانا چاہئے۔