امریکی ریاست فلوریڈا میں چھوٹا طیارہ گر کر تباہ، ایک شخص ہلاک

امریکی ریاست فلوریڈا میں ایک بار پھر فضائی حادثے کی افسوسناک خبر سامنے آئی ہے، جہاں ایک چھوٹا طیارہ رہائشی علاقے میں گر کر تباہ ہو گیا، جس کے نتیجے میں ایک شخص کی ہلاکت کی تصدیق کی گئی ہے۔

امریکی فیڈرل ایوی ایشن ایڈمنسٹریشن (FAA) کے مطابق حادثے کا شکار ہونے والا طیارہ سیسنا سی-402 (Cessna C-402) تھا، جو جڑواں انجن والا ایک چھوٹا طیارہ ہے۔ فلوریڈا کی پاسکو کاؤنٹی میں ہونے والے اس حادثے نے اس وقت مزید شدت اختیار کر لی جب گرنے والے طیارے کی وجہ سے ایک رہائشی عمارت میں آگ لگ گئی، جس سے جانی نقصان کے ساتھ ساتھ مالی نقصان بھی ہوا ہے۔

نیشنل ٹرانسپورٹیشن سیفٹی بورڈ (NTSB) کے حکام نے جائے وقوعہ کا کنٹرول سنبھال لیا ہے اور حادثے کی اصل وجوہات کا تعین کرنے کے لیے تحقیقات کا آغاز کر دیا گیا ہے۔