یواے ای اور ایران کے درمیان اعلیٰ سطح پر رابطہ، کشیدگی میں کمی پر تبادلہ خیال

متحدہ عرب امارات اور ایران کے اعلیٰ حکام کے درمیان اہم ٹیلیفونک رابطہ ہوا۔عرب میڈیا کے مطابق یواے ای کے نائب صدر شیخ منصور بن زاید اور ایرانی اسپیکر محمد باقر قالیباف کے درمیان گفتگو ہوئی۔ دونوں رہنماؤں نے علاقائی صورتحال اور کشیدگی میں کمی پر تبادلہ خیال کیا۔

عرب میڈیا کے مطابق جنگ کے دوران اماراتی حکام نے ایران کے حوالے سے سخت مؤقف اختیار کیا تھا جبکہ ایران کے حملوں کے بعد یو اے ای نےاپنا سفیر واپس بلا کر سفارتخانہ بند کر دیا تھا۔