Web Desk
8 April 2026
وزیراعلیٰ پنجاب مریم نواز شریف نے امریکہ اور ایران کے درمیان ممکنہ جنگ کو ٹالنے اور کامیاب جنگ بندی کے لیے وزیراعظم شہباز شریف اور فیلڈ مارشل عاصم منیر کی انتھک کاوشوں کو زبردست خراجِ تحسین پیش کیا ہے۔ اپنے ایک تہنیتی بیان میں انہوں نے کہا کہ پاکستان کی سیاسی اور عسکری قیادت کے مشترکہ و مؤثر کردار کی بدولت دنیا ایک بہت بڑی تباہی سے بچ گئی ہے۔ مریم نواز نے فیلڈ مارشل عاصم منیر کی قیادت کو سراہتے ہوئے کہا کہ ان کی زیرِ نگرانی پاکستان نے عالمی اور علاقائی سطح پر سفارتی توازن کا جو شاندار مظاہرہ کیا ہے، وہ عالمی سیاست میں ایک مثال بن چکا ہے۔
وزیراعلیٰ کا مزید کہنا تھا کہ تاریخ میں جب بھی مشرقِ وسطیٰ کی اس کشیدگی اور امن کی کوششوں کا ذکر ہوگا، پاکستان کا نام سنہری حروف میں لکھا جائے گا۔ انہوں نے اس کامیابی کو ایک “تاریخی لمحہ” قرار دیتے ہوئے کہا کہ پاکستان نے غیر معمولی سفارتی حکمت عملی سے پوری دنیا کو حیران کر دیا ہے اور یہ ملک کے لیے ایک بڑا اعزاز ہے کہ اس کا امن کردار عالمی سطح پر تسلیم کیا جا رہا ہے۔ مریم نواز نے اس عزم کا اظہار بھی کیا کہ پاکستان مستقبل میں بھی عالمی تنازعات کے حل اور قدیم تہذیبی ورثے کے تحفظ کے لیے اپنا کلیدی کردار ادا کرتا رہے گا۔
متعلقہ عنوانات
پنجاب میں مریضوں کو 39 ارب 50 کروڑ روپے سے زائد کا مفت علاج فراہم
19 November 2026
پاکستانی روپے کے مقابلے میں ڈالر مزید 3 پیسے سستا ہوگیا
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026
لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان
19 November 2026
600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع
19 November 2026
فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق
19 November 2026