ایران امریکا مذاکرات میں پیش رفت دیکھ کر اسرائیل نے بڑاحملہ کردیا،اسحاق ڈارکا انکشاف

نائب وزیراعظم اور وزیرخارجہ اسحاق ڈار نے کہا ہے کہ ایران اور امریکا کے مذاکرات کے حوالے سے گزشتہ روزبڑی پیشرفت ہوئی ۔اس کامیابی کو دیکھ کر اسرائیل نے بڑا حملہ کردیا۔

سینیٹ اجلاس میں اظہارخیال کرتے ہوئے اسحاق ڈار نے کہاکہ جنگ بندی کے لیے امریکا نے 15 نکات جبکہ ایران نے 5 نکات کے مطالبات دئیے، دونوں ممالک کے مطالبات ہم نے پہنچائے۔

اسحاق ڈار نے انکشاف کیا کہ ایران امریکا مذاکرات کے حوالے سےگزشتہ روزاہم پیشرفت ہوئی،لیکن  جب اسرائیل نے دیکھا کہ ہم دونوں فریقین کو ایک ساتھ بیٹھا لیں گے تواس  نے رات کو ایران پر بڑا حملہ کردیا اور نتیجے میں ایران نے سعودی عرب پر بڑا حملہ کیا۔انہوں نے کہا کہ ہمیں خوشی ہے امریکا اورچین  پاکستان کی ثالثی کو قبول کیا۔