ہمیں بچت کا سبق دیا جاتا ہے مریم نواز کے لئے گیارہ ارب روپے کا جہاز خرید لیا جاتا ہے,جنید اکبر خان
Web Desk
7 April 2026
قومی اسمبلی کے اجلاس میں اپوزیشن رکن جنید اکبر خان نے حکومت کی معاشی پالیسیوں اور شاہ خرچیوں کو کڑی تنقید کا نشانہ بناتے ہوئے پیٹرولیم مصنوعات کی قیمتوں میں اضافے پر سنگین سوالات اٹھا دیے۔ ایوان میں خطاب کرتے ہوئے انہوں نے سوال کیا کہ جب ملک میں 28 دن کا پیٹرول پرانے نرخوں پر موجود تھا تو عوام پر نئے ریٹس کا بوجھ کیوں لادا گیا؟ جنید اکبر خان نے حکمرانوں کے طرزِ زندگی پر تنقید کرتے ہوئے دعویٰ کیا کہ ایک طرف عوام کو بچت کا سبق دیا جا رہا ہے اور دوسری طرف وزیراعظم کی تیراکی کے لیے تالاب بجلی سے گرم کیا جاتا ہے، جبکہ مریم نواز کے لیے 11 ارب روپے کا جہاز خریدا جا رہا ہے۔ انہوں نے سخت الفاظ استعمال کرتے ہوئے کہا کہ اس ملک میں “ووٹ دینے والے نہیں بلکہ گننے والے اہم ہیں” اور انہی لوگوں نے ملک پر یہ “گند” مسلط کیا ہے جس کی وجہ سے پاکستان میں پیٹرولیم مصنوعات دنیا کے مقابلے میں مہنگی ترین ہو چکی ہیں۔ ان کا مزید کہنا تھا کہ موجودہ حکمران عوامی خدمت کے بجائے صرف پیسہ بنانے کے ایجنڈے پر کام کر رہے ہیں۔
متعلقہ عنوانات
قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق
19 November 2026
شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال
19 November 2026
پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق
19 November 2026
پنجاب میں مریضوں کو 39 ارب 50 کروڑ روپے سے زائد کا مفت علاج فراہم
19 November 2026
پاکستانی روپے کے مقابلے میں ڈالر مزید 3 پیسے سستا ہوگیا
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026