پنجاب حکومت کا 17 اضلاع میں فری ٹرانسپورٹ چلانے کا فیصلہ
Web Desk
7 April 2026
وزیراعلیٰ پنجاب مریم نواز شریف کی زیرِ صدارت منعقدہ ایک اعلیٰ سطح کے اجلاس میں صوبے کے عوام کے لیے بڑے ریلیف اقدامات کی منظوری دی گئی ہے، جس کے تحت پنجاب کے 17 اضلاع میں فری ٹرانسپورٹ چلانے کا فیصلہ کیا گیا ہے۔ ابتدائی طور پر گوجرانوالہ، ملتان اور سیالکوٹ میں اس سروس کا پائلٹ پراجیکٹ شروع کیا جائے گا، جبکہ پیٹرولیم مصنوعات کی قیمتوں کے تناظر میں ٹرانسپورٹ کرایوں کا نیا ڈھانچہ 24 گھنٹے میں طلب کر لیا گیا ہے۔ اجلاس میں صوبے میں اشیاء خورونوش کی قیمتوں کا تفصیلی جائزہ لیا گیا، جس میں بتایا گیا کہ پنجاب میں آٹے کا نرخ دیگر تینوں صوبوں کے مقابلے میں واضح طور پر کم ہے۔ وزیراعلیٰ نے ذخیرہ اندوزی کے خلاف سخت کارروائی اور ایل پی جی کے نرخ ریگولیٹ کرنے کا حکم بھی دیا ہے۔
وزیراعلیٰ نے انتظامی معاملات پر سخت برہمی کا اظہار کرتے ہوئے کھلے گٹروں اور جوہڑوں میں اموات کے واقعات روکنے کے لیے اسسٹنٹ کمشنرز کو گلی گلی سروے کی ہدایت کی ہے اور واضح کیا ہے کہ غیر محفوظ جوہڑ ڈی سی کی ناکامی تصور ہوں گے۔ صفائی کی صورتحال کو جدید خطوط پر استوار کرنے کے لیے ‘ستھرا پنجاب’ پروگرام کے تحت مصنوعی ذہانت (AI) کی معاونت سے کارکنوں کی رئیل ٹائم مانیٹرنگ اور ڈیجیٹل میپنگ شروع کر دی گئی ہے۔ اس کے علاوہ فیصل آباد، اٹک اور رحیم یار خان سمیت مختلف شہروں کے بیوٹی فیکیشن پراجیکٹس کی جون تک تکمیل کی ڈیڈ لائن دیتے ہوئے انہوں نے جھنگ میں صفائی کی ناقص صورتحال پر 24 گھنٹے میں بہتری لانے کا حکم دیا ہے۔ ان اقدامات کا مقصد صوبے میں گورننس کے معیار کو بہتر بنانا اور عام آدمی کی زندگی میں براہِ راست تبدیلی لانا ہے۔
متعلقہ عنوانات
قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق
19 November 2026
شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال
19 November 2026
پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق
19 November 2026
پنجاب میں مریضوں کو 39 ارب 50 کروڑ روپے سے زائد کا مفت علاج فراہم
19 November 2026
پاکستانی روپے کے مقابلے میں ڈالر مزید 3 پیسے سستا ہوگیا
19 November 2026
کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
بحیرہ عرب میں مشترکہ آپریشن، 15 کروڑ کی غیر قانونی شراب ضبط
19 November 2026