پیر پگارا اور حافظ نعیم الرحمان کی ملاقات، سیاسی رابطے جاری رکھنے پر اتفاق

گرینڈ ڈیموکریٹک الائنس اور پاکستان مسلم لیگ فنکشنل کے سربراہ اور حروں کے روحانی پیشوا پیر صاحب پگارا سے امیر جماعت اسلامی پاکستان حافظ نعیم الرحمٰن نے راجہ ہاؤس میں ملاقات کی۔

ملاقات کے دوران ملک کی موجودہ سیاسی صورتحال اور باہمی دلچسپی کے دیگر امور پر تفصیلی تبادلہ خیال کیا گیا۔

اس موقع پر جماعت اسلامی کراچی کے امیر منعم اور سٹی کونسل میں اپوزیشن لیڈر ظفر سیف الدین ایڈووکیٹ بھی موجود تھے۔

ملاقات میں دونوں رہنماؤں نے اس عزم کا اظہار کیا کہ مستقبل میں سیاسی رابطوں کا سلسلہ جاری رکھا جائے گا اور سندھ کے عوام کو درپیش مسائل کے حل کے لیے مشترکہ کوششیں کی جائیں گی۔

پیر صاحب پگارا نے حافظ نعیم الرحمٰن کی آمد پر ان کا خیر مقدم کیا۔