کراچی: پی ٹی آئی نے بغیر اجازت احتجاج کیا، ایس ایس پی ساؤتھ مہزور علی

کراچی میں احتجاج کے دوران پیش آنے والے واقعے پر ایس ایس پی ساؤتھ مہزور علی نے مؤقف دیتے ہوئے کہا ہے کہ تحریک انصاف کی جانب سے بغیر اجازت احتجاج کیا گیا۔

انہوں نے بتایا کہ احتجاج کے دوران تحریک انصاف کے کارکنان نے پولیس پر پتھراؤ کیا، جس کے بعد پولیس نے صورت حال کو قابو میں لانے کے لیے جوابی کارروائی کرتے ہوئے آنسو گیس کی شیلنگ کی۔

ایس ایس پی ساؤتھ کے مطابق کارروائی کے دوران پندرہ سے زائد افراد کو حراست میں لیا گیا ہے۔

پولیس حکام کا کہنا ہے کہ حراست میں لیے گئے افراد کے خلاف پولیس پر حملے، ریاست مخالف نعرے بازی اور دیگر متعلقہ دفعات کے تحت قانون کے مطابق کارروائی عمل میں لائی جائے گی۔