مذاکرات کے حوالے سے ایرانی وزیرخارجہ کے بیان کاخیرمقدم کرتے ہیں، اسحاق ڈار

وزیر خارجہ اسحاق ڈار  نے ایرانی وزیرخارجہ عباس عراقچی کے بیان کا خیرمقدم کیا ہے۔سوشل میڈیا پر ایک بیان میں اسحاق ڈار نےکہا کہ اپنے بھائی عباس عراقچی کی وضاحت کا خیر مقدم کرتا ہوں۔

خیال رہے کہ  امریکی اخبار نے  دعویٰ کیا تھاکہ ایران نے اسلام آباد  آنے سے  انکار کردیا ہے اور مذاکرات کی پاکستانی کوششیں اپنے انجام کو پہنچ گئی ہیں۔اس پر سوشل میڈیا پر ردعمل دیتے ہوئے  ایرانی وزیرخارجہ عباس عراقچی نے کہا کہ  ہم نے مذاکرات کے لیے اسلام آباد جانے سے کبھی انکار نہیں کیا۔ ہم جنگ بندی کے لیے پاکستان کی کوششوں کو سراہتے ہیں۔