الجزیرہ ایئرلائن کا کویت سے پشاور اور سیالکوٹ کے لیے نئی پروازوں کا اعلان، شیڈول جاری

کویت کی نجی فضائی کمپنی الجزیرہ ایئرلائن نے پاکستان کے لیے اپنے فلائٹ آپریشن میں توسیع کا اعلان کرتے ہوئے کویت سے پشاور اور سیالکوٹ کے لیے براہِ راست پروازیں شروع کرنے کا فیصلہ کیا ہے۔

ایئرلائن حکام کے مطابق، پشاور اور سیالکوٹ کے لیے ہفتہ وار دو پروازیں کویت سے براستہ دمام آپریٹ کی جائیں گی، جس سے مسافروں کو کویت اور دمام کے مابین آمدورفت کی بہترین سہولیات میسر آئیں گی۔

پروازوں کا شیڈول:

• سیالکوٹ آپریشن: سیالکوٹ کے لیے پروازوں کا باقاعدہ آغاز 15 اپریل سے ہوگا۔ سیالکوٹ کے لیے پروازیں ہر بدھ اور جمعہ کو آپریٹ ہوں گی، جبکہ کویت کے لیے واپسی کی پروازیں ہر جمعرات اور ہفتہ کو روانہ ہوں گی۔

• پشاور آپریشن: پشاور کے لیے پروازوں کا آغاز 17 اپریل سے ہوگا۔ کویت سے پشاور کے لیے پروازیں ہر جمعہ اور اتوار کو اڑان بھریں گی، جبکہ پشاور سے کویت کے لیے واپسی کی پروازیں ہر ہفتہ اور پیر کو دستیاب ہوں گی۔

الجزیرہ ایئرلائن کی جانب سے اس نئے روٹ کے آغاز سے خلیجی ممالک میں مقیم پاکستانیوں بالخصوص خیبر پختونخوا اور وسطی پنجاب کے مسافروں کے لیے سفری سہولیات میں اضافہ ہوگا اور کویت و سعودی عرب کے درمیان سفر کرنے والے مسافروں کو بھی متبادل آپشنز فراہم کیے جائیں گے۔