LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

وزیراعلیٰ پنجاب کا موٹر سائیکل سواروں پر ماہانہ سبسڈی کا اعلان

Web Desk

4 April 2026

لاہور: وزیراعلیٰ پنجاب مریم نواز شریف نے صوبے کے عوام، بالخصوص موٹر سائیکل مالکان کے لیے بڑے ریلیف پیکیج کا اعلان کر دیا ہے، جس کے تحت رجسٹریشن اور ٹرانسفر فیس مکمل طور پر ختم کر دی گئی ہے۔

حکومتی اعلان کے مطابق پنجاب بھر میں رجسٹرڈ موٹر بائیکس کے مالکان کو ماہانہ 2000 روپے سبسڈی فراہم کی جائے گی تاکہ عوام کے معاشی بوجھ میں کمی لائی جا سکے۔

اس کے علاوہ ہر رجسٹرڈ بائیک کے لیے ماہانہ 20 لیٹر پٹرول پر فی لیٹر 100 روپے سبسڈی بھی دی جائے گی، جس سے ایندھن کے اخراجات میں نمایاں کمی متوقع ہے۔

حکام کے مطابق اس ریلیف پیکیج کا فوری طور پر اطلاق کر دیا گیا ہے جبکہ سبسڈی حاصل کرنے کے لیے طریقہ کار بھی جاری کر دیا گیا ہے۔ بائیک مالکان ہیلپ لائن 1000 پر کال کر کے یا “مریم کو بتائیں” موبائل ایپ اور سرکاری ویب پورٹل کے ذریعے درخواست دے سکتے ہیں۔

ڈی جی ایکسائز کے مطابق رجسٹرڈ بائیکس کا ڈیٹا وفاقی حکومت کو فراہم کر دیا گیا ہے اور مستحق افراد کے لیے ڈیجیٹل والٹ قائم کیا جائے گا، جس کے ذریعے ماہانہ سبسڈی براہ راست منتقل کی جائے گی۔

وزیراعلیٰ کا کہنا ہے کہ حکومت عام آدمی کا معاشی بوجھ کم کرنے کے لیے عملی اقدامات کر رہی ہے اور یہ پیکیج بھی اسی سلسلے کی ایک اہم کڑی ہے۔