ویتنام کے بعدپاکستان میں سب سے زیادہ پیٹرول مہنگاہواہے، بیرسٹرگوہر
Web Desk
3 April 2026
ویتنام کے بعدپاکستان میں سب سے زیادہ پیٹرول مہنگاہواہے، بیرسٹرگوہر
چیئرمین پی ٹی آئی بیرسٹر گوہر نے کہا ہے کہ ویتنام کے بعد پاکستان میں سب سے زیادہ پیٹرولیم مصنوعات کی قیمتوں میں اضافہ ہوا ۔ہم نے نائجیریا کو بھی پیچھے چھوڑ دیا۔
یہ بات انہوں ںے تیمور سلیم جھگڑا اور اخونزادہ حسین یوسف زئی کے ساتھ خیبرپختونخوا ہاؤس میں پریس کانفرنس کرتے ہوئے کہی۔
بیرسٹر گوہر نے کہا کہ پیٹرولیم مصنوعات کی قیمتوں میں اضافے سے عام پاکستانی اور غریب کاشت کار شدید متاثر ہوتا ہے، حکومت نے غیر ضروری طور پر شدید اضافہ کیا، 96 ممالک میں پیٹرولیم نرخوں میں اضافہ ہوا لیکن دنیا میں ویتنام کے بعد پاکستان میں سب سے زیادہ پیٹرولیم مصنوعات کی قیمتوں میں اضافہ ہوا اور ہم نے نائجیریا کو بھی پیچھے چھوڑ دیا، حکومت آئی ایم ایف سے ڈیل کرنے میں ناکام ہوگئی۔
انہوں نے کہا کہ شاہ خرچیوں کی وجہ سے پیٹرولیم لیوی کو کم نہیں کیا جارہا، حکومت نے عوام کے ساتھ دھوکا کیا ہے۔
اس موقع پر تیمور سلیم جھگڑا نے کہا کہ یہ سمجھ نہیں آتی جب پیٹرول کی قیمت کم ہوتی ہے تو وزیراعظم خود عوام کو بتاتے ہیں اور جب بڑھتی ہے تو وزرا کو آگے کر دیتے ہیں، ایک دن میں پیٹرول کی قیمت 137 روپے بڑھی ہے، مارچ اپریل 2022ء میں پیٹرول کی قیمت 139 روپے تھی اور آج ایک دن میں اتنی قیمت بڑھی ہے۔
انہوں نے کہا کہ بھارت میں پیٹرول کی قیمتیں پاکستان سے کم ہیں حکومت نے غیر ضروری طور پر قیمتوں میں اضافہ کیا حکومت چاہتی تو محدود اضافہ کرسکتی تھی، سبسڈی کے نام پر فراڈ کیا جارہا ہے، یہ آٹے میں نمک کے برابر ہے، پیٹرول بڑھانے سے ہر چیز کی قیمت میں اضافہ ہوگا۔
تیمور سلیم جھگڑا نے کہا کہ ترکیہ، تھائی لینڈ، چین حتیٰ کہ افغانستان میں بھی پیٹرول پاکستان سے سستا ہے، یہ صرف قیمت میں اضافہ نہیں کر رہے ہیں بلکہ یہ اس کی مد میں لیوی بھی بڑھا رہے ہیں، انہوں نے کسٹم ڈیوٹی بھی بڑھائی ہے، کلائمیٹ لیوی بھی انہوں نے ختم نہیں کی۔
انہوں نے کہا کہ اکانومی ٹھیک کرنی ہے تو سب سے پہلے خریدا ہوا جہاز بیچیں، گریڈ بیس اور اکیس اور دیگر بیوروکریسی کا مفت پٹرول ختم کریں، جب یہ بیورو کریسی جیب سے پٹرول ڈلوائے گی تو دیکھیں گے یہ کن اصلاحات کی تجویز دیتے ہیں۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026