پنجاب: ٹرانسپورٹروں سے مذاکرات کامیاب، کرایوں میں 25 فیصد اضافہ

لاہور: محکمہ ٹرانسپورٹ پنجاب اور ٹرانسپورٹ یونینز کے درمیان کامیاب مذاکرات کے نتیجے میں عوام کو کسی حد تک ریلیف دینے کی کوشش کی گئی ہے۔ پیٹرول کی قیمت 458 روپے اور ڈیزل 520 روپے ہونے کے بعد ٹرانسپورٹرز نے کرایوں میں 65 فیصد تک اضافے کا اعلان کیا تھا، جسے حکومت نے غیر قانونی قرار دیتے ہوئے مذاکرات کے ذریعے 25 فیصد تک محدود کر دیا ہے۔

محکمہ ٹرانسپورٹ نے لاہور کے تمام بس اڈوں کو سختی سے ہدایت کی ہے کہ نیا کرایہ نامہ فوری طور پر نمایاں جگہوں پر آویزاں کیا جائے۔ نئے نرخوں کے مطابق لاہور سے کراچی کا ایگزیکٹو کرایہ اب 9650 روپے، جبکہ کوئٹہ کا کرایہ 5600 روپے مقرر کیا گیا ہے۔ اسی طرح مری اور سوات کے سیاحتی مقامات کے کرایوں میں بھی نمایاں اضافہ ہوا ہے۔ انتظامیہ کو حکم دیا گیا ہے کہ مقررہ کرایوں سے زائد وصول کرنے والے ٹرانسپورٹرز کے خلاف سخت قانونی کارروائی کی جائے۔