بنوں کے تھانہ ڈومیل پر خوارج کا بزدلانہ خودکش حملہ ناکام، 10 شہری شہید

بنوں: سیکورٹی ذرائع کے مطابق ضلع بنوں کے علاقے ڈومیل میں دہشت گردوں نے تھانے کو نشانہ بنانے کی کوشش کی، تاہم بہترین حفاظتی اقدامات اور سیکورٹی اہلکاروں کی بروقت کارروائی کے باعث حملہ آور تھانے کے اندر داخل ہونے میں ناکام رہا۔ اپنی ناپاکی میں ناکامی کے بعد، بزدل خودکش حملہ آور نے تھانے کے باہر موجود سول آبادی میں خود کو دھماکے سے اڑا لیا۔

اس وحشیانہ حملے کے نتیجے میں 10 مقامی شہری شہید ہو گئے ہیں، جن میں 7 خواتین، ایک معصوم بچہ اور 2 مرد شامل ہیں۔ دھماکے میں 4 افراد زخمی بھی ہوئے ہیں جنہیں فوری طور پر قریبی اسپتال منتقل کر دیا گیا ہے، جہاں انہیں طبی امداد فراہم کی جا رہی ہے۔ ریسکیو ٹیمیں اور مقامی افراد جائے وقوعہ پر ملبہ ہٹانے اور امدادی سرگرمیوں میں مصروف ہیں۔ سیکورٹی فورسز نے پورے علاقے کو گھیرے میں لے کر بڑے پیمانے پر سرچ آپریشن شروع کر دیا ہے۔