کراچی میں تیزہواؤں کے ساتھ بارش،مختلف حادثات میں 4افراد جاں بحق ،3زخمی

کراچی کے  مختلف علاقوں میں تیزہواؤں اور  بارش کے باعث  حادثات میں  4 افراد جاں بحق اور 3 زخمی ہوگئے۔کراچی میں صدر، گارڈن، لیاقت آباد، طارق روڈ، نرسری،   اورنگی ٹاؤن ، نارتھ ناظم آباد ، اولڈ سٹی ایریا ، ، ملیر ، گلشن معمار، گلشن اقبال، فیڈرل بی ایریا اور نارتھ کراچی سمیت مختلف علاقوں میں تیز ہواؤں کے ساتھ بارش ہوئی۔

شارع فیصل پر نرسری سے بلوچ کالونی پل جانے والا ٹریک ٹریفک کے لیے بند  ہوگیا۔نارتھ ناظم آباد میں شیر شاہ سوری روڈ پر فلائی اوور کے اطراف پانی جمع ہونے سے  ٹریفک کی روانی شدید متاثر ہوئی۔

شہر کے مختلف علاقوں میں تیزہواؤں اور بارش کے باعث حادثات سے 4 افراد جاں بحق اور 3 زخمی ہوگئے۔

ریسکیو حکام کے مطابق  پرانا گولیمار میں گھرکی دیوار رکشے پر گرنے سے ایک رکشہ ڈرائیورجاں بحق ہوگیا جبکہ اورنگی ٹاؤن اجتماع گاہ میں گھرکی دیوار گرنے سے 3 بچے زخمی ہوئے۔ ریسکیو حکام نے بتایا کہ نیوکراچی حسن بروہی گوٹھ میں گھر میں کرنٹ لگنے سے ایک شخص جاں بحق ہوگیا۔

اس کےعلاوہ  پی آئی بی کالونی کوئٹہ ہوٹل کے قریب کرنٹ لگنے سے ایک شخص جاں  اور سرجانی سیکٹر سیون اےکے قریب گھر میں کرنٹ لگنے سے ایک بچی جاں بحق ہوگئی۔