بلوچستان میں طوفانی بارش اورسیلاب، 7افرادجاں بحق، 200سے زائد مکانات کو نقصان

بلوچستان کے مختلف اضلاع میں بارش اور سیلاب سے 7 افراد جاں بحق اور متعدد زخمی ہوگئے۔صوبائی ڈیزاسسٹر مینیجمنٹ اتھارٹی کی جانب سے بلوچستان میں بارش اور سیلاب سے نقصانات کی  رپورٹ جاری کردی گئی۔

رپورٹ کے مطابق بارش اور سیلاب سے بلوچستان کےمختلف اضلاع میں 7 افراد جاں بحق اور متعدد افراد زخمی ہوگئے۔رپورٹ میں بتایا گیا ہےکہ جاں بحق اورزخمی ہونے والوں کا تعلق ہرنائی،کوہلو، تربت، جعفرآباد، لورالائی اور کچھی سے ہے۔

اس کے علاوہ بالا ناڑی میں پشتہ ٹوٹنے سے 100 مکانات تباہ اور 50 مویشی ہلاک ہوئے۔۔اس علاقے میں 400 ایکڑ زرعی زمین بھی زیرِآب آگئی۔ڈی جی پی ڈی ایم اے نے بتایا کہ ہرنائی اور قلعہ عبداللہ میں تقریباً 100 مکانات کو نقصان پہنچا ہے جب کہ جھل مگسی میں سیلابی ریلے کے باعث گنداواہ نوتال شارع بند ہوگئی۔