توانائی بحران: پنجاب میں کالجز اور جامعات بھی ہفتے میں صرف 4 دن کھلے رہیں گے

توانائی کے جاری بحران پر قابو پانے کے لیے پنجاب حکومت نے تعلیمی اداروں سے متعلق اہم فیصلہ کر لیا ہے۔

حکومتی ذرائع کے مطابق صوبے بھر کے کالجز اور جامعات میں جمعہ، ہفتہ اور اتوار کو تعطیلات دینے کا فیصلہ کیا گیا ہے، جس کے بعد یہ ادارے ہفتے میں صرف چار دن کھلے رہیں گے۔

اس سے قبل اسکولوں کے لیے بھی اسی نوعیت کے اقدامات کیے جا چکے ہیں، جبکہ اب اعلیٰ تعلیمی اداروں کو بھی اس پالیسی میں شامل کر لیا گیا ہے۔

حکام کا کہنا ہے کہ یہ فیصلہ توانائی کے استعمال میں کمی لانے اور بحران کے اثرات کو کم کرنے کے لیے کیا گیا ہے، اور یہ پالیسی اس وقت تک برقرار رہے گی جب تک صورتحال میں بہتری نہیں آتی۔