بلاول بھٹوکی  فضل الرحمان سے ملاقات، کشمیر جی بی الیکشن کیلیے اتحاد پراتفاق، اچانک قانون سازی پر تحفظات کا اظہار

چیئرمین پیپلزپارٹی بلاول بھٹو نے سربراہ جے یوآئی مولانا فضل الرحمان سے اسلام آبادمیں ان کی رہائش گاہ پر اہم ملاقات کی۔ذرائع کے مطابق ملاقات میں آزاد کشمیر اور گلگت بلتستان انتخابات کے حوالے سے مشاورت کی گئی اورانتخابی اتحادکےلیے کمیٹی تشکیل دینے پراتفاق کرلیاگیا۔

ذرائع کاکہناہے کہ ملاقات کے دوران مولانافضل الرحمان اور بلاول بھٹو نے حکومت کی جانب سے پارلیمنٹ میں اچانک قانون سازی پر تحفظات کا اظہار کیا۔ اس حوالے سے مولانا فضل الرحمان کاکہناتھاکہ عجلت میں ہونے والی قانون سازی سے پارلیمنٹ  کی ساکھ متاثر ہوتی ہے۔

ملاقات کے دوران دونوں رہنماؤں نے دیگر اہم سیاسی امورپربھی بات چیت کی۔ بلاول بھٹوکے ہمراہ راجا پرویز اشرف، نیر بخاری اور چوہدری یاسین بھی تھے۔جبکہ جے یوآئی کے رہنما مولانااسعد محمود بھی موجود تھے۔