LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

گُل پلازہ متاثرین کے لیے 1 ارب 45 کروڑ کا ریلیف پیکج,جاں بحق افراد کے لواحقین کو فی کس ایک کروڑ روپے دینے کا فیصلہ

Web Desk

1 April 2026

کراچی: وزیراعلیٰ سندھ سید مراد علی شاہ نے گُل پلازہ آتشزدگی کے متاثرین کی بحالی کے عمل کو تیز کرنے کا حکم دے دیا ہے۔ وزیراعلیٰ ہاؤس میں ہونے والے اعلیٰ سطح کے اجلاس میں صوبائی وزراء شرجیل انعام میمن، ناصر حسین شاہ، ضیاء الحسن لنجار اور میئر کراچی مرتضیٰ وہاب سمیت دیگر اعلیٰ حکام نے شرکت کی۔

وزیراعلیٰ سندھ کو پیش کی گئی رپورٹ کے مطابق، جاں بحق افراد کے لواحقین کے لیے 85 کروڑ روپے مختص کیے گئے ہیں، جس کے تحت ہر متاثرہ خاندان کو ایک کروڑ روپے معاوضہ دیا جا رہا ہے۔ اب تک 72 میں سے 61 خاندانوں کو ان کے گھروں پر چیک پہنچا دیے گئے ہیں، جبکہ بقیہ کیسز نادرا اور بین الصوبائی تصدیق کے مراحل میں ہیں۔ وزیراعلیٰ نے کمشنر کراچی کو ہدایت کی کہ نادرا سے رابطہ تیز کر کے تصدیقی عمل کو فوری مکمل کیا جائے۔

تاجروں کے حوالے سے بتایا گیا کہ متاثرہ دکانداروں کے لیے 60 کروڑ روپے مختص ہیں، جس میں سے اب تک 843 دکانداروں کو کے سی سی آئی (KCCI) کے ذریعے 5، 5 لاکھ روپے کی امداد فراہم کی جا چکی ہے۔ دکانوں کی تعداد میں 1184 سے 1209 تک کے فرق پر وزیراعلیٰ نے برہمی کا اظہار کرتے ہوئے حتمی فہرست مرتب کرنے کی ہدایت دی اور واضح کیا کہ پالیسی کے مطابق شفافیت کو ہر صورت یقینی بنایا جائے۔

سب سے اہم فیصلہ عمارت کی ساخت کے حوالے سے کیا گیا، جہاں وزیراعلیٰ نے سندھ بلڈنگ کنٹرول اتھارٹی (SBCA) کو ہدایت کی کہ گُل پلازہ کی ازسرِ نو تعمیر کا تفصیلی منصوبہ پیش کیا جائے۔ انہوں نے کمشنر کراچی کو حکم دیا کہ عدالتی کمیشن کو اعتماد میں لے کر متاثرہ عمارت کو گرانے اور نئے سرے سے تعمیر شروع کرنے کے اقدامات کیے جائیں تاکہ تاجروں کا معاشی نقصان مزید نہ ہو۔