اسحاق ڈار کی چینی وزیر خارجہ سے ملاقات، امن کیلئے 5 نکاتی ایجنڈے پر اتفاق
Web Desk
1 April 2026
بیجنگ: نائب وزیراعظم اور وزیر خارجہ اسحاق ڈار کے دورہ چین کے دوران دونوں ممالک نے عالمی اور علاقائی سیاست پر گہرے اتفاقِ رائے کا اظہار کیا ہے۔ ترجمان دفتر خارجہ کے مطابق، اسحاق ڈار نے چینی ہم منصب وانگ ای کو اسلام آباد میں ہونے والے سعودی عرب، ترکیہ اور مصر کے وزرائے خارجہ کے حالیہ اجلاس اور مشرقِ وسطیٰ میں کشیدگی کم کرنے کی پاکستانی کوششوں پر تفصیلی بریفنگ دی۔
ملاقات کا سب سے اہم پہلو مشرقِ وسطیٰ کے لیے پانچ نکاتی امن ایجنڈے کا اعلان تھا، جس میں جنگ بندی، انسانی امداد کی فراہمی اور مستقل امن کے لیے مذاکرات پر زور دیا گیا ہے۔ چینی وزیر خارجہ نے مغربی ایشیا میں امن کے قیام کے لیے پاکستان کے فعال اور متوازن سفارتی کردار کو سراہا اور دونوں رہنماؤں نے ترقی پذیر ممالک پر جنگ کے سنگین سماجی و معاشی اثرات پر تشویش کا اظہار کیا۔
ملاقات میں سی پیک (CPEC) کے دوسرے مرحلے کے تحت اعلیٰ معیار کی ترقی، افغانستان میں استحکام اور دہشت گردی کے مؤثر تدارک پر بھی تفصیلی تبادلہ خیال کیا گیا۔ دونوں وزرائے خارجہ نے پاک چین سفارتی تعلقات کی 75ویں سالگرہ کے موقع پر اعلیٰ سطحی رابطوں اور عوامی وفود کے تبادلوں کو مزید بڑھانے کا عہد کیا۔ اسحاق ڈار نے بیجنگ میں مثالی مہمان نوازی پر چینی قیادت کا شکریہ ادا کرتے ہوئے مستقبل میں باقاعدہ رابطے جاری رکھنے پر اتفاق کیا۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026