راولپنڈی: عمران خان کی بہنوں کا گورکھپور ناکے پر دھرنا 7 گھنٹے بعد ختم

راولپنڈی/اڈیالہ جیل کے قریب بانی پی ٹی آئی کی بہنوں علیمہ خانم، نورین خان اور عظمیٰ نیازی نے اپنا دھرنا ختم کر دیا۔

تفصیلات کے مطابق بانی پی ٹی آئی کی بہنوں نے پارٹی کارکنوں کے ہمراہ گورکھپور ناکے پر احتجاجی دھرنا دیا، جو تقریباً سات گھنٹے تک جاری رہا۔

بعد ازاں صورتحال کا جائزہ لینے کے بعد دھرنا ختم کرنے کا اعلان کیا گیا، جس کے بعد کارکنوں اور قیادت نے گورکھپور ناکے سے روانگی اختیار کر لی۔

ذرائع کے مطابق دھرنے کے دوران کارکنوں کی بڑی تعداد موجود رہی اور علاقے میں سکیورٹی کے سخت انتظامات بھی کیے گئے تھے۔