عدالتی اصلاحات پر جائزہ اجلاس، چیف جسٹس پاکستان نے بہتر کیس مینجمنٹ کو سراہا
Web Desk
31 March 2026
اسلام آباد: چیف جسٹس پاکستان یحییٰ آفریدی کی زیر صدارت عدالتی اصلاحات پر پیش رفت کا دسواں جائزہ اجلاس منعقد ہوا، جس میں سپریم کورٹ کی کارکردگی اور جدید نظامِ انتظام (Case Management) کو سراہا گیا۔ سپریم کورٹ کے اعلامیے کے مطابق، گزشتہ تین ماہ کے دوران عدالتِ عظمیٰ نے 3,600 نئے کیسز کے مقابلے میں 5,383 کیسز نمٹا کر ایک نئی مثال قائم کی ہے، جس سے زیر التوا مقدمات کی تعداد کم ہو کر 34,083 رہ گئی ہے۔
اجلاس میں سزائے موت کے قیدیوں کے لیے بڑی خوشخبری سامنے آئی کہ اکتوبر 2024 میں زیر التوا 384 اپیلوں میں سے اب صرف 60 باقی رہ گئی ہیں، جنہیں آئندہ 30 دنوں میں سماعت کے لیے مقرر کرنے کا حکم دیا گیا ہے۔ چیف جسٹس نے 2018 تک کے پرانے مقدمات کو ترجیحی بنیادوں پر نمٹانے اور فائل ٹریکنگ کے لیے بار کوڈنگ سسٹم کو ایک ماہ میں مکمل کرنے کی ہدایت بھی جاری کی۔
عوام کی سہولت کے لیے سپریم کورٹ میں ای-پیمنٹ سسٹم فعال کر دیا گیا ہے، جس کے ذریعے اب عدالتی فیسوں کی ادائیگی ڈیجیٹل طریقے سے ممکن ہوگی۔ پبلک فیسیلیٹیشن سینٹر نے گزشتہ تین ماہ میں 20 ہزار سے زائد درخواستوں پر شہریوں کو ریلیف فراہم کیا ہے۔ چیف جسٹس نے ای-فائلنگ اور ڈیجیٹائزیشن کے عمل میں وکلاء برادری (بار) کے تعاون کو بھی خصوصی طور پر سراہا۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026