جمادی الثانی کا کا چاند نظر نہیں آیا۔ یکم جمادی الثانی اتوار 23 نومبر کو ہو گی

اسلام آباد: جمادی الثانی کا چاند دیکھنے کے لیے مرکزی رویت ہلال کمیٹی کا اجلاس ایوانِ اوقاف میں چیئرمین مولانا عبدالخبیر آزاد کی زیر صدارت منعقد ہوا۔ اجلاس میں مرکزی و صوبائی رویت ہلال کمیٹیوں کے اراکین کے ساتھ محکمۂ موسمیات کے نمائندگان نے بھی شرکت کی۔

اجلاس کے دوران ملک بھر سے چاند نظر آنے کی کوئی شہادت موصول نہیں ہوئی۔ اس سلسلے میں تمام زونل اور ضلعی کمیٹیوں سے موصول ہونے والی اطلاعات کا تفصیلی جائزہ لیا گیا، مگر کسی مقام سے بھی رویت کی تصدیق نہ ہوسکی۔چیئرمین مولانا عبدالخبیر آزاد نے اعلان کیا کہ آج ملک کے کسی حصے سے چاند نظر آنے کی کوئی شہادت نہیں ملی۔ لہٰذا پاکستان میں کل 30 جمادی الاول ہوگی جبکہ اتوار 23 نومبر کو یکم جمادی الثانی ہوگی