بشریٰ بی بی کا اڈیالہ جیل میں طبی معائنہ، دائیں آنکھ سے دھندلا نظر آنے کی شکایت

راولپنڈی: بانی پی ٹی آئی کی اہلیہ بشریٰ بی بی کا اڈیالہ جیل میں طبی معائنہ کیا گیا، جس کے دوران انہوں نے آنکھ اور سر درد سے متعلق شکایات کا اظہار کیا۔

ذرائع کے مطابق پمز اسپتال کے سربراہ شعبہ چشم ڈاکٹر محمد عارف خان نے بشریٰ بی بی کا معائنہ کیا۔ اس موقع پر انہوں نے دائیں آنکھ سے دھندلا نظر آنے کی شکایت کی، جبکہ سر درد کی بھی نشاندہی کی گئی۔

ڈاکٹروں نے معائنے کے بعد بشریٰ بی بی کے لیے مخصوص آنکھوں کے قطرے اور دیگر ادویات تجویز کیں۔

مزید برآں انہیں ہدایت کی گئی کہ مطالعہ اور قریبی کام کے دوران مناسب اور روشن جگہ کا انتخاب کریں تاکہ آنکھوں پر دباؤ کم ہو۔

ڈاکٹروں نے ان کی حالت کا جائزہ لینے کے لیے چار ہفتوں بعد دوبارہ معائنے کی بھی ہدایت کی ہے۔