LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

ضروری ادویات مہنگی ہونے کی خبریں غلط، ڈریپ کا وضاحتی بیان جاری

Web Desk

29 March 2026

اسلام آباد: ڈرگ ریگولیٹری اتھارٹی نے ضروری ادویات کی قیمتوں میں اضافے سے متعلق خبروں کو مسترد کرتے ہوئے واضح کیا ہے کہ انسولین سمیت جان بچانے والی ادویات کی قیمتوں میں کوئی اضافہ نہیں کیا گیا۔

ترجمان ڈریپ کے مطابق گزشتہ چند ماہ کے دوران بھی ادویات کی قیمتوں میں کسی نئے اضافے کی منظوری نہیں دی گئی، اور ضروری ادویات کی قیمتوں میں خودساختہ اضافہ ممکن نہیں۔

ترجمان نے کہا کہ اتھارٹی ادویات کی دستیابی کو یقینی بنانے کے لیے مسلسل نگرانی کر رہی ہے اور اس ضمن میں فارماسیوٹیکل کمپنیوں کو دو اہم ہدایات جاری کی گئی ہیں۔

کمپنیوں کو ہدایت دی گئی ہے کہ وہ خام مال کے حصول کے لیے متبادل ذرائع اختیار کریں اور مناسب ذخیرہ برقرار رکھیں تاکہ عالمی سطح پر ممکنہ رکاوٹوں کے باوجود ادویات کی فراہمی متاثر نہ ہو۔

ڈریپ کے مطابق ملک میں استعمال ہونے والی بیشتر ادویات مقامی سطح پر تیار کی جاتی ہیں، اور اس وقت ادویات کی قلت کا کوئی فوری خطرہ موجود نہیں۔

ترجمان نے بتایا کہ بیشتر کمپنیوں کے پاس آئندہ چار سے چھ ماہ کے لیے خام مال اور تیار ادویات کا وافر ذخیرہ موجود ہے۔

اتھارٹی نے میڈیا اداروں پر زور دیا کہ وہ خبر نشر کرنے سے قبل تصدیق کو یقینی بنائیں تاکہ عوام میں بے چینی اور غیر ضروری تشویش پیدا نہ ہو۔

ڈریپ نے اس بات کا اعادہ کیا کہ عوام کو معیاری اور مؤثر ادویات کی مسلسل فراہمی یقینی بنائی جا رہی ہے۔