LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

پی آئی اے کی حج آپریشن کیلئے تیاریاں مکمل، 60 ہزار سے زائد عازمین کو حجازِ مقدس پہنچائے گی

Web Desk

28 March 2026

کراچی: قومی ایئرلائن (PIA) نے حج 2026 کے لیے اپنے قبل از حج آپریشن کی تیاریاں مکمل کر لی ہیں۔ ذرائع کے مطابق، پی آئی اے کا یہ آپریشن 18 اپریل 2026 سے باقاعدہ شروع ہوگا اور 21 مئی تک جاری رہے گا۔ اس آپریشن کے پہلے مرحلے میں مدینہ منورہ اور جدہ کے لیے براہِ راست پروازیں چلائی جائیں گی، جس کے ذریعے مجموعی طور پر 60 ہزار سے زائد خوش نصیب عازمینِ حج کو حجازِ مقدس پہنچایا جائے گا۔

پی آئی اے کے فلائٹ شیڈول کے مطابق، اس سال 202 پروازیں آپریٹ کی جائیں گی، جن میں 49 ہزار سرکاری حج اسکیم اور 11 ہزار پرائیویٹ اسکیم کے تحت سفر کرنے والے عازمین شامل ہوں گے۔ پی آئی اے ملک کے بڑے شہروں بشمول اسلام آباد، کراچی، لاہور، سیالکوٹ، کوئٹہ، فیصل آباد اور ملتان سے براہِ راست پروازیں آپریٹ کرے گی۔

حج آپریشن کے لیے قومی ایئرلائن اپنے بیڑے میں موجود بوئنگ 777 اور ایئربس 320 طیاروں کا استعمال کرے گی۔ فریضہِ حج کی ادائیگی کے بعد، بعد از حج آپریشن (حجاج کی واپسی) کا آغاز 30 مئی سے ہوگا جو 30 جون 2026 تک جاری رہے گا۔ پی آئی اے انتظامیہ نے عازمین کی سہولت کے لیے ایئرپورٹس پر خصوصی کاؤنٹرز اور معاونت فراہم کرنے کے احکامات بھی جاری کر دیے ہیں۔