LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق پنجاب میں مریضوں کو 39 ارب 50 کروڑ روپے سے زائد کا مفت علاج فراہم پاکستانی روپے کے مقابلے میں ڈالر مزید 3 پیسے سستا ہوگیا کراچی کیلئے مزید 500 بسوں کی منظوری، ریلیوں کی اجازت نہیں دینگے: شرجیل میمن

محسن نقوی کا ایف آئی اے کو سرکاری اداروں میں کرپشن کے خلاف کریک ڈاؤن کا حکم

Web Desk

28 March 2026

اسلام آباد: وفاقی وزیر داخلہ محسن نقوی نے فیڈرل انویسٹی گیشن ایجنسی (FIA) کو سرکاری اداروں میں موجود کرپشن کے ناسور کے خلاف فیصلہ کن کریک ڈاؤن شروع کرنے کی ہدایت کر دی ہے۔ اسلام آباد میں ایف آئی اے ہیڈ کوارٹر کے دورے کے موقع پر انہوں نے واضح کیا کہ وزیراعظم کے وژن کے مطابق بدعنوانی پر کوئی سمجھوتا نہیں کیا جائے گا اور اس حوالے سے “زیرو ٹالرنس” پالیسی اپنائی جائے گی۔

وزیر داخلہ نے ایف آئی اے کے انفراسٹرکچر کی بہتری کے جاری منصوبوں کا معائنہ کیا اور تعمیراتی سرگرمیوں کو جلد از جلد مکمل کرنے کے احکامات جاری کیے۔ انہوں نے ادارے میں اصلاحات کے عمل کو اسی سال دسمبر 2026 تک مکمل کرنے کا ہدف دیا تاکہ ایف آئی اے کو جدید خطوط پر استوار کیا جا سکے۔ محسن نقوی نے خاص طور پر بیرون ملک ملازمت کے نام پر شہریوں کو لوٹنے والے عناصر کے خلاف سخت کارروائی کی ہدایت کی اور کہا کہ تمام اشتہارات کی آن لائن نگرانی کی جائے تاکہ عوام کو گمراہ کن معلومات سے بچایا جا سکے۔

ڈی جی ایف آئی اے ڈاکٹر عثمان انور نے وزیر داخلہ کو ادارے کی کارکردگی اور مستقبل کے لائحہ عمل پر تفصیلی بریفنگ دی۔ محسن نقوی نے یقین دلایا کہ ایف آئی اے کو منظم جرائم کے خلاف ایک “ہراول دستے” کے طور پر تیار کیا جائے گا اور وزارتِ داخلہ اس مقصد کے لیے ہر سطح پر مکمل معاونت فراہم کرے گی۔