ایران جنگ رکوانے کا مشن، اسلام آباد میں 29، 30 مارچ کو 4 فریقی اجلاس ہوگا
Web Desk
28 March 2026
اسلام آباد: ایران اور امریکہ کے درمیان جاری شدید کشیدگی کو ختم کرنے اور خطے کو ایک بڑی جنگ کے خطرے سے نکالنے کے لیے اسلام آباد میں 29 اور 30 مارچ کو ایک اہم چار فریقی اجلاس منعقد ہو رہا ہے۔ ذرائع کے مطابق اس اجلاس میں پاکستان، ترکیہ، سعودی عرب اور مصر کے وزرائے خارجہ شرکت کریں گے، جبکہ اجلاس کی صدارت پاکستان کے نائب وزیراعظم اور وزیر خارجہ اسحاق ڈار کریں گے۔
یہ اجلاس ایک ایسے وقت میں بلایا گیا ہے جب خطے میں سیکیورٹی کی صورتحال انتہائی حساس ہو چکی ہے۔ مذاکرات کا بنیادی مقصد ایران اور امریکہ کے درمیان سفارتی ذرائع سے کشیدگی کو کم کرنا اور جنگ کے خدشات کو ختم کر کے مستقل امن و استحکام کی راہ ہموار کرنا ہے۔ پاکستان اس مشن میں ایک کلیدی ثالث کے طور پر ابھرا ہے، جسے خطے کی دیگر اہم طاقتوں ترکیہ، سعودی عرب اور مصر کی بھرپور حمایت حاصل ہے۔
ذرائع کا کہنا ہے کہ دو روزہ اجلاس کے دوران مختلف تجاویز پر غور کیا جائے گا تاکہ دونوں فریقین کو مذاکرات کی میز پر لایا جا سکے اور خلیج میں بحری جہازوں کی آمد و رفت سمیت دیگر متنازع امور کا حل نکالا جا سکے۔ ماہرین کے مطابق، اگر یہ چار فریقی بلاک اپنے مقصد میں کامیاب ہو جاتا ہے، تو یہ عالمی سطح پر پاکستان کی ایک بڑی سفارتی فتح تصور کی جائے گی۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم
19 November 2026
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026