خیبر پختونخوا میں ‘رائٹ ٹو سروسز’ کا نیا باب: وزیراعلیٰ سہیل آفریدی نے خدمات میں تاخیر کو ‘سنگین جرم’ قرار دے دیا
Web Desk
27 March 2026
پشاور/اسلام آباد: وزیراعلیٰ خیبر پختونخوا محمد سہیل آفریدی نے صوبے میں سرکاری خدمات کی بروقت فراہمی اور شکایات کے فوری ازالے کے لیے “رائٹ ٹو سروسز کمیشن” (RTS) کو مکمل طور پر فعال کرنے کا حکم دے دیا ہے۔ اسلام آباد میں منعقدہ ایک اعلیٰ سطح کے اجلاس کی صدارت کرتے ہوئے وزیراعلیٰ نے واضح کیا کہ عوام کو خدمات کی فراہمی میں کسی بھی قسم کی تاخیر اب ناقابلِ برداشت ہوگی اور اسے سنگین جرم تصور کیا جائے گا۔
وزیراعلیٰ نے رائٹ ٹو سروسز اور رائٹ ٹو انفارمیشن کمشنز کی ڈیجیٹائزیشن کو جلد از جلد مکمل کرنے کی ہدایت کی ہے تاکہ شہریوں کو گھر بیٹھے سہولیات میسر ہوں۔ اجلاس میں بتایا گیا کہ اب تک 14 محکموں کی 80 خدمات نوٹیفائیڈ تھیں، جن میں مزید 15 محکموں کی 89 خدمات شامل کی جا رہی ہیں، جس سے مجموعی تعداد 169 ہو جائے گی۔
بریفنگ کے دوران انکشاف کیا گیا کہ وزیراعلیٰ کی خصوصی ہدایت پر پبلک فیڈ بیک فیچر متعارف کرایا گیا ہے اور کمیشن کو ‘دستک’ پلیٹ فارم سے منسلک کر کے موبائل ایپلیکیشن بھی لانچ کر دی گئی ہے۔ اب شہری ای میل، فون کال اور واٹس ایپ کے ذریعے بھی اپنی شکایات درج کروا سکتے ہیں۔ اعداد و شمار کے مطابق سال 2025 میں پبلک آؤٹ ریچ 4 لاکھ 78 ہزار سے تجاوز کر گئی ہے، جو گزشتہ سال کے مقابلے میں نمایاں اضافہ ہے۔ وزیراعلیٰ نے انتظامی رکاوٹیں ختم کر کے شکایات پر فوری عملدرآمد کو یقینی بنانے اور نئے کمشنرز کی تعیناتی کا بھی فیصلہ کیا ہے۔
متعلقہ عنوانات
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026
قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق
19 November 2026