پاکستان نے آسیہ اندرابی سمیت کشمیری رہنماؤں کی سزاؤں کو مسترد کر دیا
Web Desk
25 March 2026
اسلام آباد: پاکستان نے بھارتی عدالت کی جانب سے کشمیری رہنما آسیہ اندرابی کو عمر قید اور ان کی ساتھیوں فہمیدہ صوفی اور ناہیدہ نسرین کو 30، 30 سال قید کی سزا سنانے کے فیصلے کو یکسر مسترد کرتے ہوئے اس کی شدید مذمت کی ہے۔ دفترِ خارجہ سے جاری ایک بیان میں واضح کیا گیا ہے کہ یہ فیصلہ انصاف کے بنیادی تقاضوں کے منافی اور مقبوضہ جموں و کشمیر میں انسانی حقوق کی سنگین پامالیوں کی ایک اور کڑی ہے۔
ترجمان دفترِ خارجہ کے مطابق، آسیہ اندرابی کشمیری عوام کے حقوق کے لیے ایک توانا آواز رہی ہیں اور انہیں سیاسی بنیادوں پر نشانہ بنانا محض اختلافی آوازوں کو دبانے کی کوشش ہے۔ بیان میں کہا گیا کہ بھارت کا “غیر قانونی سرگرمیوں کی روک تھام کا قانون” (UAPA) دراصل کشمیری قیادت کو خوفزدہ کرنے اور آزادی کے جائز مطالبے کو دبانے کے لیے استعمال کیا جا رہا ہے، جس سے بھارتی عدلیہ کی آزادی پر سنگین سوالات اٹھتے ہیں۔
پاکستان نے اقوامِ متحدہ اور بین الاقوامی انسانی حقوق کی تنظیموں سے پرزور مطالبہ کیا ہے کہ وہ اس غیر منصفانہ فیصلے کا فوری نوٹس لیں اور بھارت کو کشمیریوں کے سیاسی و شہری حقوق کی پامالی پر جوابدہ ٹھہرائیں۔ دفترِ خارجہ نے اعادہ کیا ہے کہ پاکستان کشمیری عوام کے حقِ خودارادیت کی سیاسی، سفارتی اور اخلاقی حمایت جاری رکھے گا جیسا کہ سلامتی کونسل کی قراردادوں میں درج ہے۔
متعلقہ عنوانات
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026