ایران کا امریکا پر عدم اعتماد کا اظہار، مذاکرات کو دھوکہ دینے کی کوشش قرار

اسلام آباد میں ایرانی سفارت خانے کی جانب سے جاری بیان میں کہا گیا ہے کہ حالیہ حملوں کے بعد مذاکراتی عمل پر اعتماد ختم ہو چکا ہے۔ بیان میں کہا گیا کہ بات چیت کے دوران حملوں کے دو ادوار کے بعد اب کسی قسم کا اعتماد باقی نہیں رہا۔

ایرانی سفارت خانے نے مزید کہا کہ دباؤ اور سخت طرزِ عمل کے ساتھ کسی مثبت پیش رفت کی کوئی گنجائش نہیں ہے۔ بیان کے مطابق ایران امریکا کی جانب سے مذاکرات کی پیشکش کو ایک اور دھوکہ دہی کی کوشش سمجھتا ہے، جس کا مقصد وقتی فائدہ اٹھانا اور بعد میں دوبارہ حملوں کو بڑھانا ہے۔

بیان میں کہا گیا کہ ایسے حالات میں سنجیدہ اور نتیجہ خیز مذاکرات ممکن نہیں، جبکہ خطے میں کشیدگی بدستور برقرار ہے۔