LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال

عید پر بھی ملاقات نہ کرانا انسانی حقوق کی خلاف ورزی،علیمہ خانم

Web Desk

24 March 2026

راولپنڈی: بانی پی ٹی آئی کی ہمشیرہ علیمہ خانم نے اڈیالہ جیل کے باہر میڈیا سے گفتگو کرتے ہوئے جیل انتظامیہ اور حکومت پر شدید تنقید کی ہے۔ انہوں نے کہا کہ عید کا موقع گزر گیا لیکن ہمیں ملاقات کی اجازت نہیں دی گئی، آج عید کے بعد پہلا منگل ہے اور ہم یہاں تب تک بیٹھیں گے جب تک ہمارا آئینی اور قانونی حق یعنی ملاقات فراہم نہیں کی جاتی۔

بانی پی ٹی آئی کے ہسپتال منتقلی اور تیسرے طبی پروسیجر (Procedure) کے حوالے سے صحافیوں کے سوال پر علیمہ خانم نے حیرت کا اظہار کرتے ہوئے کہا کہ “ہمیں تو کچھ پتہ ہی نہیں، فیملی کو اعتماد میں لیے بغیر سب کچھ خفیہ رکھا گیا۔ ہمیں میڈیا اور سوشل میڈیا سے خبر ملی کہ کوئی علاج ہو رہا ہے۔” انہوں نے الزام لگایا کہ تجویز کردہ ڈاکٹرز میں سے ڈاکٹر ندیم قریشی کوئی جواب نہیں دے رہے، جس سے علاج کے حوالے سے شدید شکوک و شبہات جنم لے رہے ہیں۔

علیمہ خانم نے بانی پی ٹی آئی کی بینائی سے متعلق تشویشناک دعویٰ کرتے ہوئے کہا کہ “جان بوجھ کر ان کی آنکھ ضائع کرنے کی کوشش کی جا رہی ہے تاکہ وہ ڈر کر ڈیل یا مذاکرات پر راضی ہو جائیں، لیکن وہ کبھی ایسا نہیں کریں گے۔” انہوں نے مذاکرات کی خبروں کو مسترد کرتے ہوئے کہا کہ پونے تین سال قیدِ تنہائی میں رکھنے کے بعد کسی میں یہ ہمت نہیں کہ ان سے ڈیل کی بات کرے۔ علیمہ خانم کے مطابق بانی پی ٹی آئی سخت غصے میں ہیں اور انہوں نے اپنا معاملہ اللہ پر چھوڑ دیا ہے۔