LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال

بارشوں کا نیا سلسلہ آج سے شروع، ژالہ باری اور فلیش فلڈنگ کا خدشہ

Web Desk

24 March 2026

اسلام آباد: محکمہ موسمیات نے 24 سے 31 مارچ تک ملک بھر میں شدید بارشوں، آندھی اور گرج چمک کے ساتھ طوفانی موسم کی پیشگوئی کر دی ہے۔ ماہرینِ موسمیات کے مطابق ایک طاقتور مغربی سسٹم 24 مارچ کی شام کو بلوچستان میں داخل ہوگا، جو 27 مارچ کے بعد مزید شدت اختیار کر کے مہینے کے آخر تک برقرار رہ سکتا ہے۔ اس سسٹم کے تحت بلوچستان کے ساحلی و بالائی علاقوں بشمول گوادر، کوئٹہ اور خضدار میں تیز ہواؤں کے ساتھ بارش اور ژالہ باری متوقع ہے۔

خیبرپختونخوا کے پہاڑی علاقوں سوات، چترال اور مانسہرہ میں بارش کے ساتھ برفباری کا امکان ہے، جبکہ پنجاب کے بڑے شہروں لاہور، راولپنڈی، ملتان اور فیصل آباد سمیت اسلام آباد میں بھی گرج چمک کے ساتھ بارش اور ژالہ باری کی پیشگوئی کی گئی ہے۔ سندھ کے اضلاع کراچی، حیدرآباد اور سکھر میں 25 سے 29 مارچ کے درمیان مختلف وقفوں سے بارش کا امکان ہے۔

محکمہ موسمیات نے خبردار کیا ہے کہ 25 سے 28 مارچ کے دوران بلوچستان اور 28 سے 30 مارچ کے درمیان خیبرپختونخوا کے ندی نالوں میں فلیش فلڈنگ (ناگہانی سیلاب) کا شدید خطرہ ہے، جبکہ بالائی علاقوں میں لینڈ سلائیڈنگ بھی ہو سکتی ہے۔ کسانوں کو تیار فصلوں کی حفاظت کے لیے احتیاطی تدابیر اختیار کرنے، جبکہ سیاحوں اور شہریوں کو غیر ضروری سفر سے گریز کرنے کی ہدایت کی گئی ہے۔ تمام متعلقہ اداروں کو ہنگامی صورتحال سے نمٹنے کے لیے ہائی الرٹ کر دیا گیا ہے۔