واشنگٹن: یومِ پاکستان کے موقع پر پاکستانی سفارتخانے میں پرچم کشائی کی تقریب
Web Desk
23 March 2026
امریکہ کے دارالحکومت واشنگٹن میں سفارت خانہ پاکستان میں یومِ پاکستان کے سلسلے میں ایک پروقار تقریب کا انعقاد کیا گیا، جہاں پرچم کشائی کے ساتھ قومی دن جوش و خروش سے منایا گیا۔ تقریب میں امریکی حکام، سفارتی عملہ، میڈیا نمائندگان اور پاکستانی کمیونٹی کے افراد کی بڑی تعداد نے شرکت کی۔
سفیر پاکستان رضوان سعید شیخ نے قومی ترانے کی دھن پر قومی پرچم لہرایا اور تقریب سے خطاب کرتے ہوئے کہا کہ یومِ پاکستان اس عزم کی یاد دہانی ہے جو قیام پاکستان کے وقت کیا گیا تھا۔ انہوں نے کہا کہ پاکستان نے ہر مشکل گھڑی میں ثابت قدمی کا مظاہرہ کیا ہے اور دہشت گردی کے خلاف جنگ میں عظیم قربانیاں دی ہیں۔
امریکی نائب معاون وزیر خارجہ جان مارک پومرشیم نے اپنے خطاب میں کہا کہ پاکستان اور امریکا کے درمیان تعلقات نہ صرف تاریخی ہیں بلکہ انتہائی اہم اور نتیجہ خیز بھی ہیں۔ انہوں نے اس بات پر زور دیا کہ دونوں ممالک انسداد دہشت گردی، تجارت اور دیگر شعبوں میں تعاون کو مزید فروغ دینے کے لیے پرعزم ہیں۔
سفیر پاکستان نے کہا کہ امریکہ میں مقیم پاکستانی کمیونٹی دونوں ممالک کے درمیان ایک مضبوط پل کا کردار ادا کر رہی ہے اور مستقبل میں بھی یہ تعلقات مزید مستحکم ہوں گے۔ انہوں نے کہا کہ پاکستان خطے میں امن و استحکام کے لیے اپنا کردار جاری رکھے گا۔
تقریب کے اختتام پر یومِ پاکستان کے حوالے سے کیک کاٹا گیا اور شرکاء نے اس قومی دن کو ملی جوش و جذبے کے ساتھ منایا۔
متعلقہ عنوانات
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026