پاکستان اور ایران کے وزرائے خارجہ کا رابطہ، خطے کی صورتحال اور سفارتکاری پر زور

ترجمان دفتر خارجہ کے مطابق نائب وزیرِ اعظم و وزیرِ خارجہ محمد اسحاق ڈار کا ایران کے وزیرِ خارجہ عباس عراقچی سے ٹیلیفون پر رابطہ ہوا، جس میں خطے کی حالیہ صورتحال پر تفصیلی تبادلہ خیال کیا گیا۔

گفتگو کے دوران دونوں رہنماؤں نے علاقائی پیش رفت کا جائزہ لیا اور بدلتی ہوئی صورتحال کے مختلف پہلوؤں پر غور کیا۔ اس موقع پر اسحاق ڈار نے خطے اور عالمی سطح پر امن، سلامتی اور استحکام کے فروغ کے لیے مکالمے اور سفارتکاری کی اہمیت کو اجاگر کیا۔

دونوں ممالک کے وزرائے خارجہ نے اس امر پر اتفاق کیا کہ موجودہ حالات کے پیش نظر قریبی رابطے میں رہنا اور باہمی مشاورت کا سلسلہ جاری رکھنا نہایت ضروری ہے۔