وزیراعظم نے سرکاری گاڑیوں میں ہائی اوکٹین کے استعمال پر پابندی عائد کر دی
Web Desk
23 March 2026
اسلام آباد: وزیراعظم محمد شہباز شریف نے سرکاری اخراجات میں کمی اور قومی وسائل کے شفاف استعمال کو یقینی بنانے کے لیے سرکاری گاڑیوں میں مہنگے ترین ایندھن ‘ہائی آکٹین’ (HOBC) کے استعمال پر فوری طور پر مکمل پابندی عائد کر دی ہے۔ یہ فیصلہ ہائی آکٹین پر پیٹرولیم لیوی میں حالیہ اضافے کے تسلسل میں کیا گیا ہے تاکہ حکومتی سطح پر ایندھن کے اخراجات کو کم سے کم کیا جا سکے۔
وزیراعظم آفس سے جاری کردہ اعلامیے کے مطابق، اب سے کسی بھی سرکاری محکمے، اتھارٹی یا ذیلی ادارے کو سرکاری خرچ پر ہائی آکٹین استعمال کرنے کی اجازت نہیں ہوگی۔ اگر کسی مخصوص صورتحال میں اس ایندھن کا استعمال ناگزیر ہو تو متعلقہ افسر کو اس کی قیمت اپنی جیب سے ادا کرنی ہوگی۔ تمام وفاقی اداروں کو اس فیصلے پر فوری عملدرآمد کی ہدایت جاری کر دی گئی ہے۔
وزیراعظم شہباز شریف نے اس موقع پر کہا کہ غیر ضروری اخراجات میں کمی وقت کی اہم ضرورت ہے تاکہ عوام کے ٹیکسوں کا پیسہ بہتر طور پر استعمال ہو سکے۔ یاد رہے کہ اس سے قبل بھی حکومت سرکاری گاڑیوں کے ایندھن کے کوٹے میں 50 فیصد کٹوتی اور 60 فیصد گاڑیوں کو گراؤنڈ کرنے جیسے سخت اقدامات کر چکی ہے۔ وزیراعظم نے حکام کو اس فیصلے کی کڑی نگرانی کا حکم دیتے ہوئے واضح کیا کہ کسی بھی قسم کی خلاف ورزی کی صورت میں ذمہ داران کے خلاف بلا رعایت قانونی کارروائی کی جائے گی۔
متعلقہ عنوانات
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت
19 November 2026
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
ریاض کے فنانشل ڈسٹرکٹ ٹاور پر حوثیوں کا میزائل حملہ
19 November 2026
نیتن یاہو کی ایران کے خلاف نئی فوجی کارروائی کیلئے کوششیں تیز
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026