LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال

عیدالفطر کا تیسرا روز: سیر سپاٹے اور دعوتوں کے اہتمام کا سلسلہ جاری

Web Desk

23 March 2026

پاکستان: ملک بھر میں آج عید الفطر کا تیسرا روز روایتی جوش و خروش اور بھرپور مسرت کے ساتھ منایا جا رہا ہے۔ عید کی تعطیلات کے آخری دن شہری گھروں میں محصور رہنے کے بجائے سیر و تفریح، رشتہ داروں سے میل ملاقاتوں اور پرتکلف دعوتوں میں مصروف ہیں۔ کراچی، لاہور، اسلام آباد اور پشاور سمیت تمام چھوٹے بڑے شہروں کے تفریحی مقامات پر شہریوں کی گہما گہمی دیدنی ہے۔

بچوں کے لیے عید کا یہ آخری دن عیدی سمیٹنے اور موج مستی کا بہترین موقع ثابت ہو رہا ہے۔ چڑیا گھروں، پبلک پارکس اور پکنک پوائنٹس پر بچوں اور بڑوں کا تانتا بندھا ہوا ہے، جہاں جھولوں اور دیگر تفریحات سے لطف اٹھایا جا رہا ہے۔ خواتین اور بزرگ بھی عید کی ان خوشیوں میں برابر کے شریک ہیں اور خوشگوار لمحات کو یادگار بنا رہے ہیں۔

دن بھر کی سیر و تفریح کے بعد شہریوں کی بڑی تعداد نے لذیذ پکوانوں کے لیے مشہور ریسٹورنٹس کا رخ کر لیا ہے، جہاں کڑاہی، سجی، باربی کیو اور روایتی میٹھے پکوانوں سے تواضع کی جا رہی ہے۔ آئس کریم پارلرز پر بھی نوجوانوں اور بچوں کا غیر معمولی رش دیکھا جا رہا ہے۔ میٹھی عید کے اس آخری مرحلے پر جہاں ایک طرف کھابوں اور سیر سپاٹوں کا دور چل رہا ہے، وہیں دوسری جانب رشتہ داروں کی جانب سے دی جانے والی دعوتوں کا سلسلہ بھی عید کی رونقوں کو دوبالا کر رہا ہے