کراچی: گل پلازا میں دوبارہ آگ بھڑک اٹھی، ایک شخص گرفتار
Web Desk
22 March 2026
کراچی: ایم اے جناح روڈ پر واقع ‘گل پلازہ’ جو جنوری میں لگنے والی ہولناک آگ کے بعد سے سیل تھا، اس کے بیسمنٹ میں ایک بار پھر آگ لگنے کا واقعہ سامنے آیا ہے۔ فائر بریگیڈ حکام کے مطابق بیسمنٹ کے گیٹ نمبر ایک کے قریب واقع ایک دکان کے ملبے سے اچانک دھواں اٹھنے لگا، جس کے بعد پانچ فائر ٹینڈرز کو فوری طور پر جائے وقوعہ پر روانہ کر دیا گیا۔
پولیس حکام نے عمارت کے اندر سے ایک نشے کے عادی شخص کو حراست میں لے لیا ہے۔ ابتدائی تحقیقات کے مطابق، خدشہ ظاہر کیا جا رہا ہے کہ مذکورہ شخص چوری کی نیت سے سیل شدہ عمارت میں داخل ہوا تھا اور ممکنہ طور پر اس کی کسی غفلت یا کارروائی کے باعث دوبارہ آگ بھڑی۔ ایڈیشنل ڈپٹی کمشنر جنوبی عاصمہ بتول نے میڈیا کو بتایا کہ عمارت پہلے ہی سیل تھی، تاہم ابھی یہ واضح نہیں کہ تازہ آتشزدگی سے کتنی دکانیں متاثر ہوئی ہیں۔
واٹر کارپوریشن نے صورتحال کی نزاکت کو دیکھتے ہوئے نیپا اور صفورہ ہائیڈرنٹس پر ایمرجنسی نافذ کر دی ہے اور پانی کے ٹینکرز کو فوری طور پر جائے وقوعہ پر پہنچا دیا گیا ہے، جبکہ سخی حسن ہائیڈرنٹ کو اسٹینڈ بائی پر رکھا گیا ہے۔ یاد رہے کہ 17 جنوری 2026 کو اسی عمارت میں لگنے والی آگ تین روز تک جاری رہی تھی، جس میں 70 سے زائد افراد لقمہ اجل بن گئے تھے۔
متعلقہ عنوانات
این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار
19 November 2026
کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ
19 November 2026
کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ
19 November 2026
پٹرول ایک روپیہ فی لٹر مہنگا، ڈیزل کی قیمت برقرار
19 November 2026
زرمبادلہ کے ذخائر میں 1.50 کروڑ ڈالر کا اضافہ ریکارڈ
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026