LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال

ہائی آکٹین فیول پر لیوی میں بڑا اضافہ، امیر طبقہ اضافی بوجھ اٹھائے گا، وزیراعظم

Web Desk

22 March 2026

اسلام آباد: وزیرِ اعظم محمد شہباز شریف نے ایک اہم فیصلے کے تحت امیر طبقے کی لگژری گاڑیوں میں استعمال ہونے والے ‘ہائی آکٹین فیول’ پر پیٹرولیم لیوی کو 100 روپے سے بڑھا کر 300 روپے فی لیٹر کرنے کی منظوری دے دی ہے۔ ویڈیو لنک کے ذریعے منعقدہ اجلاس میں وزیرِ اعظم نے واضح کیا کہ اس اقدام کا مقصد معیشت پر بوجھ کم کرنا اور صاحبِ حیثیت طبقے سے ملکی وسائل کی بحالی میں زیادہ حصہ لینا ہے۔

حکومت کو اس فیصلے سے ماہانہ تقریباً 9 ارب روپے کی بچت متوقع ہے، جسے براہِ راست غریب اور متوسط طبقے کو ریلیف فراہم کرنے کے لیے استعمال کیا جائے گا۔ وزیرِ اعظم کا کہنا تھا کہ “امیر طبقہ ملکی معیشت میں اپنا حصہ ڈالے تاکہ بچت شدہ رقم کو عوامی فلاح و بہبود پر خرچ کیا جا سکے”۔

اجلاس کے دوران حکام نے وضاحت کی کہ اس فیصلے کا اثر عام گاڑیوں میں استعمال ہونے والے پیٹرول یا ڈیزل پر نہیں پڑے گا، اور نہ ہی اس سے پبلک ٹرانسپورٹ یا ہوائی جہازوں کے کرایوں میں کوئی اضافہ ہوگا۔ اس اہم مشاورتی اجلاس میں وفاقی وزراء اعظم نذیر تارڑ، محمد اورنگزیب، عطاء اللہ تارڑ، علی پرویز ملک اور دیگر اعلیٰ حکام نے شرکت کی۔ یاد رہے کہ وزیرِ اعظم نے پہلے ہی ہائی آکٹین فیول پر لیوی ڈھانچے پر نظرثانی کی ہدایت جاری کر رکھی تھی۔